Çempionlar Liqasına hazırlaşan "Qarabağ" bu gün Avstriya təlim-məşq toplanışı çərçivəsində sonuncu yoxlama oyununu keçirib. Fanat.az xəbər verir ki, Qurban Qurbanov yetirmələrini almanlarla oyunda sınayıb.
Belə ki, "Qarabağ"ın rəqibi Almaniyanın Regional Liqasında çıxış edən "Sonnenhof Qrossaşpax" klubu olub. Təmsilçimiz meydanı darmadağınla tərk edib. Hesabı 3-cü dəqiqədə Reynaldonun ötürməsini qola çevirən Leroy Cor açıb. 14-cü dəqiqədə Reynaldo özü fərqlənib. 3 dəqiqə sonra yeni transfer Danilo Dias almanları meydanın mərkəzinə dəvət edib. 59-cu dəqiqədə Leroy, 66-cı dəqiqədə Reynaldo dublunu rəsmiləşdirib. 77-ci dəqiqədə het-trik edən Reynaldo hesabı 6:0-a çatdırıb. 86-cı dəqiqədə "Sonnenhof Qrossaşpax" təsəlli qoluna imza atıb və "Qarabağ" 6:1 hesablı qələbə qazanıb.
Qeyd edək ki, "Sonnenhof Qrossaşpax" klubu 1994-cü ildə yaradılıb. Komanda indiyədək aşağı liqalarda bir neçə dəfə çempion olub. Regional Liqanın Cənub-Qərb zonasında çıxış edən "Qarabağ"ın rəqibi son mövsümdə çempionu çempion kimi başa vurub. Rüdiger Rehmin başçılıq etdiyi komandanın heyətində Kosova, İtaliya və Avstriyadan 3 legioner çıxış edir.
Onu da qeyd edək ki, "Qarabağ" bundan öncə Avstriyada 4 oyun keçirib. Ukraynanın “Şaxtyor” (0:2) və Rusiyanın “Krasnodar” (0:1) klublarına yenilən ağdamlılar Almaniyanın “Vakker” (2:0) və Çexiyanın “Viktoriya” (3:1) komandalarına qalib gəlib.
Yoxlama oyunu
8 iyul
Qarabağ (Azərbaycan) - Sonnenhof Qrossaşpax (Almaniya) 6:1
Qollar: Leroy Corc, 3; 59. Reyanldo, 14; 66; 77. Danilo Dias, 17.
Qaynar.info
