Dünyanın ən güclü məşqçilərinin yeni siyahısı açıqlanıb.
Qaynarinfo xəbər verir ki, planetin 500 ən güclü mütəxəssisin olduğu siyahıda Azərbaycandan 4 baş məşqçi var.
Cədvəldə yeganə azərbaycanlı olan Qurban Qurbanovun aktivində 1668 xala var. Ötən siyahı ilə müqayisədə 7 xal itirən və 9 pillə geriləyən "Qarabağ"ın 52 yaşlı baş məşqçisi 147-ci pilləni tutur.
Azərbaycanda çalışan mütəxəssislər arasında ən yaxşı nəticə "Turan Tovuz"un baş məşqçisi Kurban Berdıyevə məxsusdur. Aktivində 1790 xal olan tatar məşqçi 57-ci yeri tutur. Berdiyev 6 xal itirərək 2 pillə geriləyib.
Milli komandamızın baş məşqçisi Fernandu Santuş mövqeyini qoruya bilib. Portuqaliyalı mütəxəssis 1624 xalla 183-cü yerdə qərarlaşıb.
"Neftçi"nin baş məşqçisi Roman Qriqorçuk da geriləyib. Bir xal itirən və iki pillə geriləyən ukraynalı 1480 xalla 421-cidir.
Qeyd edək ki, siyahıya "Mançester Siti"nin Pep Qvardiola başçılıq edir - 2240 xal.
Aydın
