Ermənistan Apelyasiya Məhkəməsi sabiq prezident Robert Koçaryanın azadlığa buraxılması ilə bağlı müraciəti təmin etməyib.
Qaynarinfo xəbər verir ki, məhkəmə sabiq prezidentin vəkillərinin ərizələrini qəbul etməyib və əvvəlki qərarı qüvvədə saxlayıb.
Qeyd edək ki, Xüsusi İstintaq Xidməti iyulun 26-da R.Koçaryana qarşı Konstitusiya quruluşunun devrilməsində iştiraka dair ittiham irəli sürmüş, qısa müddət sonra o, 2 ay müddətinə həbs edilmişdi. Ermənistan Apelyasiya Məhkəməsi R.Koçaryanın sabiq prezident toxunulmazlığına əsaslanaraq avqustun 13-də onun həbsdən azad edilməsi barədə qərar qəbul etmişdi.
