"ABŞ koronavirusun yayıldığı bu ağır şərtlərdə İrana qarşı sanksiyalarını gücləndirir. Bu vəziyyət insani dəyərlərə və BMT-nin qanunlarına ziddir".
Qaynarinfo xarici mətbuata istinadən xəbər verir ki, bunu İran Prezidenti Həsən Ruhani tunisli həmkarı Qeys Səidlə telefon danışığı zamanı deyib. Ruhani dünya ölkələrinin ABŞ-ın bu davranışlarını qınamalı və Vaşinqtonu BMT-nun qanunlarına sadiq qalmağa dəvət etməli olduqlarını deyib.
İran prezidenti ABŞ-ın ölkəsinə dərman və humanitar yardımların göndərilməsini əngəllədiyini, adi ehtiyacların qarşılanması üçün edilməli olan bank fəaliyyətlərinə belə icazə vermədiyini bildirib.
Koronavirus epidemiyası ilə mübarizə məsələsində bütün ölkələrin və xalqların yan-yana durmalı olduqlarını qeyd edən Ruhani insanların həyatının qorunması üçün ortaq addımlar atılmalı olduğunu vurğulayıb.
Camal
