Rusiya Avropa Şurasından çıxarıldığı üçün İnsan Hüquqlarının və Əsas Azadlıqların Müdafiəsi üzrə Avropa Konvensiyasının yüksək müqavilə tərəfi olmaqdan rəsmən çıxıb.
Qaynarinfo xəbər verir ki, bu barədə "Avropa həqiqətləri” məlumat
yayıb.
Avropa İnsan Hüquqları Məhkəməsi cümə günü aydınlaşdırıb ki, bu, Nazirlər Komitəsinin 2022-ci il martın 16-da qəbul etdiyi Rusiya Federasiyasının Avropa Şurasındakı üzvlüyünə xitam verilməsi haqqında qətnaməyə və Rusiya Federasiyasının Avropa Şurasında üzvlüyünə xitam verilməsinin nəticələri haqqında Məhkəmənin Plenumu tərəfindən 22 mart 2022-ci ildə qəbul edilmiş qətnaməyə uyğun olaraq baş verib.
Məhkəmə, Rusiya Federasiyasının hərəkətləri və ya hərəkətsizliyi ilə əlaqədar şikayətlərə sentyabrın 16-dan əvvəl verilmiş şikayətlərə baxmaq səlahiyyətində qalır.
Məhkəmə Rusiya Federasiyasına qarşı 17 450 şikayətə baxır.
İyun ayında Rusiya Federasiyasının özü AİHM-in 2022-ci il martın 15-dən sonra verdiyi qərarlara tabe olmamaq qərarına gəlib.
Alpər
