Rusiya KTMT ölkələrin köməyi ilə sanksiyalardan yan keçməyə çalışır - Ukrayna kəşfiyyatı

Qaynarinfo xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb.

Ukrayna hərbi kəşfiyyatının məlumatına görə, Moskva KTMT ölkələrində (Belarus, Ermənistan, Qazaxıstan, Qırğızıstan, Tacikistan-red.) Rusiya hərbi və ikili təyinatlı məhsulların, ilk növbədə, xarici komponentlərin istifadəsini tələb edən detalların istehsalını təşkil etməyi planlaşdırır. Bundan əlavə, bu, KTMT-yə üzv ölkələrin Rusiya Federasiyasından iqtisadi asılılığını artıracaq ki, bu da Kremlin maraqlarına uyğundur.

Kəşfiyyat həmçinin qeyd edir ki, Rusiyanın aparıcı hava hücumundan müdafiə avadanlıqları istehsalçısı - "Ulyanovsk mexanika zavodu" SC Qazaxıstanı Almaniya istehsalı olan komponentləri almağa cəlb edir. İşğaldan əvvəl Rusiya "Buk” tipli hava hücumundan müdafiə sistemlərinin və Tunquska tipli zenit-raket sistemlərinin istehsalı/modernləşdirilməsi üçün lazım olan alman məhsullarını əldə edib, lakin hazırda bu məhsulların tədarükü artan sanksiyalar qarşısında qeyri-mümkün olub.