Rusiyanın daha bir idman növü üzrə yığması Rio-2016-ya buraxılıb.
Qaynarinfo.Az xəbər verir ki, şimal qonşularımızın cüdo millisi Olimpiadada tam heyətlə iştirak edəcək.
Bu barədə qərarı Beynəlxalq Cüdo Federasiyası qəbul edib. Rusiya yığması yarışda 11 idmançı ilə təmsil olunacaq. Bunların 7-si kişi, 4-ü qadın cüdoçulardır.
Qeyd edək ki, Beynəlxalq Olimpiya Komitəsi iyulun 24-də Rusiya yığmasının tamamilə Olimpiadadan kənarlaşdırılmasına dair qərar vermişdi. Ayrı-ayrı növlər üzrə yığmaların iştirakı ilə bağlı qərar çıxarmaq isə müvafiq beynəlxalq federasiyalara tapşırılıb.
Qaynarinfo.Az
