Rusiya Federasiyası dekabr ayında onun aerodromlarına silsilə hücumlardan sonra dünyanı müvafiq hiylə ilə çaşdırmaq ümidiylə Krasnodar diyarının aviabazasında "saxta” təyyarələr yerləşdirib.
Qaynarinfo bu barədə Unian-a istinadla xəbər verir.
Belə ki, Primorsko-Axtarskda peyk aviabazada boyalı təyyarələrin siluetlərini qeydə alıb. Rusiya Federasiyası onları real kimi göstərməyə çalışır. Göstərici fotoları American Enterprise Institute (AEI) əməkdaşı Bredi Afrik edib.
"Rusiya yeni peyk görüntülərindən göründüyü kimi, Primorsko-Axtarskdakı aviabazada saxta təyyarələri rəngləyib”, - o, fotoya qeydində yazıb.
Mütəxəssis onu da xatırladıb ki, sözügedən baza Rusiya Federasiyasının fəaliyyət göstərən hərbi infrastruktur obyektlərindən biridir: orada yerləşdirilən təyyarələr Ukraynada hücumlar üçün istifadə olunur.
Bredi Afrik onu da qeyd edib ki, Rusiya əvvəllər Yeisk aerodromunda belə "incəsənət” işləri yaradıb.
Yada salaq ki, dekabrın 17-də Rostov vilayətində Rusiya aviasiyası Ukraynaya qarşı müharibənin daha bir nəticəsi ilə üzləşib: həmin gün naməlum pilotsuz təyyarələr Rusiyanın aerodromuna hücum edib. Mənbənin UNIAN-a verdiyi məlumata görə, zərbə zamanı orada 20-yə qədər SU-34 təyyarəsi olub. O, həmçinin bildirib ki, bu kontekstdə Ukrayna Təhlükəsizlik Xidməti ilə Ukrayna Silahlı Qüvvələri arasında birgə xüsusi əməliyyatın keçirildiyini iddia etmək olar.
Alpər
