Avropanın ən böyük Rusiya qaz alıcıları Rusiyadan qaz tədarükünün azaldılmasının öhdəsindən gəlmək üçün daha çox kömür yandırmağa başlaya bilərlər.
Qaynarinfo "Reuters” xəbər agentliyinə istinadla xəbər verir ki, Avropanın ən böyük Rusiya qaz alıcıları alternativ yanacaq mənbələri axtarmağa
başlayıblar. \
Ölkələr qışda enerji böhranı təhlükəsi yaradan Rusiyadan gələn qazın azalmasının öhdəsindən gəlmək üçün daha çox kömür yandıra bilər.
Almaniya, İtaliya, Avstriya və Hollandiya kömürlə işləyən elektrik stansiyalarının qitənin qaz qiymətlərinin artmasına səbəb olan böhrandan çıxmasına kömək edə biləcəyinə işarə edirlər.
Hollandiya hökuməti bildirib ki, kömürlə işləyən enerji stansiyalarında hasilat məhdudiyyətini aradan qaldıracaq və enerji böhranı planının birinci mərhələsini aktivləşdirəcək.
Danimarka da Rusiyanın tədarükdəki qeyri-müəyyənliyi səbəbindən fövqəladə qaz planının ilk addımını atıb.
Qazpromunun qaz tədarükünün bir hissəsini kəsəcəyini deməsindən sonra İtaliya da enerji ilə bağlı fövqəladə rejim elan etməyə yaxınlaşıb.
Rusiya axınının azalması ilə üzləşən Almaniya isə dayandırmaq istədiyi kömürlə işləyən elektrik stansiyalarını yenidən işə salmağı planlaşdırır.
Nurlan Hüseynov
