Avropa İttifaqının Rusiya Federasiyasından neft və neft məhsullarına qarşı sanksiyalar tətbiq etməsindən sonra Tunis, Mərakeş, Əlcəzair və Misirdə Rusiya enerji resurslarının idxalında artım qeydə alınıb.
Qaynarinfo xəbər verir ki, bu barədə "The Wall Street Journal"
yazır.
Nəşr qeyd edir ki, bu ay Aİ-nin Rusiya Federasiyasından neft məhsullarının idxalına məhdudiyyətləri qüvvəyə minib. Rusiya xam neftinə qarşı sanksiyalar da ötən ilin dekabrında qüvvəyə minib.
Bu arada, 2023-cü ilin yanvarında Mərakeşin Rusiya dizelinin idxalı 600 min bareldən 2 milyon barrelə yüksəlib. Bir neçə il əvvəl Rusiya Federasiyasından demək olar ki, neft məhsulları almayan Tunis 2,8 milyon barrel Rusiya neft məhsulu alıb. Bunlara dizel, qazoyl, benzin və neft daxildir ki, bunlardan kimyəvi maddələr və plastik məmulatların istehsalında geniş istifadə olunur.
Qeyd olunur ki, Tunis və Mərakeşə idxalın artımı onların öz neft məhsullarının ixracının artması ilə müşayiət olunur. Beləliklə, Rusiya neft məhsulları digər mallarla qarışdırıla və yenidən ixrac oluna bilər ki, bu da Qərbin Rusiya yanacağından uzaqlaşmasını çətinləşdirir.
"Siz bunu tənzimləmək istəsəniz belə, bunu necə edərdiniz? Əgər yük 51% Mərakeşdən, 49% Rusiyadandırsa, bunu necə qiymətləndirərdiniz?" - jurnalistlər Oksford Enerji tədqiqatları institutunun neft tədqiqatları şöbəsinin rəhbəri Andreas İkonomudan sitat gətirirlər.
Rusiya neft məhsullarının tədarükü fevralın 5-nə qədər - təkrar ixraca qarşı qoyulan sanksiyalardan əvvəl həyata keçirilib. Analitiklər qorxurlar ki, bu tendensiya davam edərsə, bu, Qərbin Rusiya Federasiyasını Ukraynada müharibə aparmaq üçün gəlirdən məhrum etmək məqsədini poza bilər.
"Kpler” şirkətinin baş neft analitiki Viktor Katon qeyd edib ki, Şimali Afrika ölkələrinin idxal etdikləri həcmlər onların özlərində tam istifadə etmək üçün çox böyükdür. Onun fikrincə, Rusiya nefti məhsullarının bir hissəsi nəticə etibarı ilə Avropada peyda olacaq.
"İnanın mənə, biz Məğribin neft emalı sahəsində intibahını müşahidə etmirik”, - Katon, Şimali Afrika regionunun neft alışlarını şərh edərkən bildirib.
Nizami Bağırov
