Rusiya ordusu Donetsk vilayətinin Baxmut bölgəsində hücumlarını davam etdirir. Lakin son üç ayda onlar cəmi iki yaşayış məntəqəsini ələ keçirə biliblər.
Bu barədə Qaynarinfo Britaniya Müdafiə Nazirliyinin Tvitter hesabına istinadən xəbər
verir.
Məlumatda qeyd edilir ki, son üç gün ərzində Rusiya qüvvələri Donetsk vilayətinin Baxmut şəhəri istiqamətində taktiki hücum həyata keçirib. 2-ci Ordu Korpusunun hissələri və Luqansk vilayətinin rusiyapərəst qüvvələri, ehtimal ki, şəhərin cənubundakı Opıtnoye və İvanqorod yaşayış məntəqələrinə daxil olublar.
İyulun əvvəlindən bəri nizami Rusiya və ya separatçı qüvvələrin ələ keçirdiyi başqa yaşayış məntəqələrinin sayı azdır, əgər başqaları olubsa.
Bununla belə, özəl hərbi şirkət olan "Vaqner” qrupunun rəhbərlik etdiyi qüvvələr Donbasda bəzi lokal uğurlar əldə ediblər: "Vaqner”, ehtimal ki, hələ də Baxmutdakı döyüşlərdə fəal iştirak edir, hesabatda qeyd olunur.
Britaniya kəşfiyyatına görə, Rusiya çox güman ki, Baxmutun ələ keçirilməsini Ukraynanın nəzarəti altında olan Donetsk bölgəsində ən əhəmiyyətli Kramatorsk-Slovyansk şəhər ərazisinə qarşı hücuma hazırlıq kimi qiymətləndirir.
"Rusiya mərkəzi Donbasda hücum əməliyyatlarını davam etdirir və çox ləng irəliləyir. Bununla belə, onun ümumi əməliyyat planı Ukraynanın şimal və cənub cinahlarına təzyiqi, eləcə də kəskin sursat və canlı qüvvə çatışmazlığı səbəbindən pozulur", deyə britaniyalılar bildirir.
Nizami Bağırov
