Rusiya çox güman ki, Ukraynaya qarşı müharibədə Yevgeni Priqojinin "Vaqner" qrupunu əvəz etmək üçün alternativ özəl hərbi kompaniyalara (XHK) sponsorluq etmək və qurmaq istəyir.
Qaynarinfo xəbər verir ki, Britaniya Müdafiə Nazirliyinin kəşfiyyat məlumatlarına istinadən yaydığı məlumata görə, bu, Rusiya Müdafiə Nazirliyi ilə Vaqner arasında düşmənçilik fonunda baş verir.
"Rusiya hərbi rəhbərliyi yəqin ki, daha çox nəzarətə malik olacaq XHK-ları əvəz etmək istəyir", - Britaniya kəşfiyyatı bildirib.
Eyni zamanda qeyd edilir ki, hazırda heç bir məşhur Rusiya XHK-sı Vaqnerin ölçüsünə və ya döyüş gücünə yaxınlaşmır.
Rusiya yəqin ki, Ukraynadakı XHK-ların hələ də faydalı olduğuna inanır, çünki onlar əmək haqqı səviyyəsi ilə daha az məhdudlaşır və nizami ordudan daha səmərəlidir.
Rusiya Federasiyasının rəhbərliyi də hesab edir ki, XHK muzdluları arasında ağır itkilər Rusiya cəmiyyəti üçün nizami ordunun hərbçiləri arasında itkilərdən daha məqbul olacaq.
Alpər
