Rusiyada bu ilin doqquz ayında 5010 nəfər təsadüfi alkoqol zəhərlənməsindən ölüb. Bu cür statistika 2018-ci ilin doqquz ayı üzrə məlumatları 11,9% üstələyir. 100 min nəfər üçün bu rəqəm 4.6 nəfərdir.
Qaynarinfo kp.ru-ya istinadla xəbər verir ki, Rusiyada alkoqoldan zəhərlənmədən ölüm halı da 15,9% artıb. "İnterfaks” agentliyi Milli Alkoqol Siyasəti İnkişaf Mərkəzinin məlumatlarına istinadən 2019-cu ildə bu sayın 1433 nəfər olduğunu bildirib.
Qeyd edək ki, təkcə Moskvada doqquz ayda 77 nəfər alkoqol zəhərlənməsindən dünyasını dəyişib.
