Rusiyanın silah ixracatını həyata keçirən dövlət qurumu "Rosoboronexport" Türkiyəyə maraqlı təklif verib.
Qaynar.info-nun TRT-yə istinadən verdiyi məlumata görə, şirkətin baş direktoru Sergey Ladigin S-300 raket-müdafiə sistemlərini Türkiyə ilə birlikdə istehsal edə biləcəklərini açıqlayıb.
Ladıgin Perunun paytaxtı Limada verdiyi açıqlamada Türkiyənin uzaq mənzilli raket-müdafiə sistemləriylə bağlı tenderinin hələ sona çatmadığını xatırladaraq ölkəsinin Ankara ilə ortaq S-300 istehsal edə biləcəyini deyib.
Ladıgin eyni zamanda yeni sistemləri Türkiyə ilə birlikdə üçüncü ölkələrə sata biləcəklərini də vurğulayıb.
150 kilometrlik mənzili olan S-300 raketlərindən həm alçaq, həm də yüksəkdən uçan raketlərə və təyyarələrə qarşı istifadə edilə bilir.
Qaynar.info
