Nazirlər Kabineti Azərbaycan Milli Elmlər Akademiyası Nəsrəddin Tusi adına Şamaxı Astrofizika Rəsədxanası ətrafında tikilən 2 mərtəbəli binanın rəsədxananın fəaliyyətinə nə dərəcədə mane olmasının araşdırılması üçün bir ay əvvəl Fövqəladə Hallar Nazirliyinə məktub ünvanlayıb.
APA-nın verdiyi məlumata görə, bu barədə AMEA-nın vitse-prezidenti Akif Hacıyev bildirib.
A. Hacıyev deyib ki, məktubun sürəti AMEA-ya da təqdim olunub.
Məktubda FHN-ə tikinti şirkəti və astrofiziklərlə birlikdə məsələnin araşdırılması tapşırılıb.
A. Hacıyev artıq astrofiziklərin rəy hazırladıqlarını nəzərə çatdırıb: “Bu rəylər AMEA-nın prezidenti Akif Əlizadəyə təqdim edilib. Bu rəylərdə qeyd edilib ki, rəsədxana ərafındakı binaların işıqları gecələr teleskopun fəaliyyətinə problem yaradır”. Qaynar.info
