Yaxın gələcəkdə Yəməndəki əməliyyatlar sona çatacaq.
Axar.az xəbər verir ki, bu sözləri Səudiyyə Ərəbistanı koalisiyasının sözçüsü Əhməd Asiri deyib.
O bildirib ki, Səudiyyə Ərəbistanı ilə Yəmən sərhədindəki iğtişaşlar dayanmaq üzrədir:
“Hazırda biz Yəməndəki əməliyyatların son mərhələsini yaşayırıq. Lakin Yəmən hökumətinin böyük dəstəyə ehtiyacı var. Yəməndə problemlər bir aya həll edilməyəcək. Bu ölkə problemlərlə təkbətək buraxılmamalıdır”.
Qeyd edək ki, 2014-cü ilin martında husilər hökumət əleyhinə genişmiqyaslı etiraz aksiyalarına start verdi. Bu hadisələrdən sonra Səudiyyə Ərəbistanının başçılıq etdiyi sünni koalisiyası Yəmən hökumətinə dəstək üçün əməliyyatlara başladı.
Qaynar.info
