Avropanı cənginə alan istilər qitənin şimal yarımkürəsinə çatıb.
Qaynarinfo xəbər verir ki, ötən gün Norveçin Laksfors qəsəbəsində bu günə qədərki rekord temperatur, 35,6 dərəcə istilik qeydə alınıb. İsveçin şimalındakı Markusvinsa bölgəsində 1945-ci ildən bəri müşahidə edilən ən yüksək temperatur 34,8 dərəcə istilik olub. Skandinaviya ölkələrində hava şəraiti səbəbilə əhaliyə xəbərdarlıq edilib.
"Tropik gecə" adlanan isti hava dalğasının bir müddət daha davam edəcəyi proqnozlaşdırılır.
