Şimali Koreya lideri Kim Çen İn may ayında nüvə sınaq ərazisini bağlayacaq.
Qaynarinfo BBC-yə istinadən xəbər verir ki, bu barədə Cənubi Koreya prezidenti Mun Çey İn məlumat verib. Bağlanış mərasimi media nümayəndələrinin dəvəti ilə bütün dünyaya göstəriləcək. Cənubi Koreya və ABŞ-dan prosesi izləmək üçün mütəxəssislərin dəvəti istisna edilmir.
Şimali və Cənubi Koreya liderlərinin 27 apreldə baş tutan görüşündə nüvə silahlarından imtina barədə qərar qəbul edilib. İki ölkə bu il 1950-1953-cü illərdə davam etmiş Koreya müharibəsini rəsmi şəkildə sonlandıracaqlar.
ABŞ prezidenti Donald Tramp isə 3-4 həftə içində Kim Çen İnlə görüşəcəyini açıqlayıb.
Gülşən
