Şimali Koreyada minlərlə insan ölkə lideri Kim Çen İnə dəstək vermək üçün ABŞ prezidenti Donald Trampa qarşı etiraz aksiyası keçirib.
"Qaynarinfo" xarici mediaya istinadən xəbər verir ki, insanlar Kim Çen İnin Tramp barədə dediyi "ağlını itirmiş qoca", "əqli cəhətdən xəstə" şüuarlarını səsləndirərək yürüş edib. Aksiyada ağ köynəkli və qırmızı qalstuklu tələbələr əllərində afişa və bayraqlarla çıxış edib.
Aksiya iştirakçıları xarici media tərəfindən "Beyni yuyulmuş insanlar" adlandırılıb.
Qeyd edək ki, Şimali Koreyanın ballistik raket və nüvə sınağına görə ABŞ-la münasibəti gərgindir.
Gülşən
Qaynarinfo.Az
