Papa Fransisk rusların "böyük” ölkənin varisləri olduğunu deyib və yerli gənclərə I Pyotrun, II Yekaterinanın və Rusiyanın digər "imperatorlarının” rolunu xatırladıb. Bu kontekstdə o, rusları öz irsini unutmamağa çağırıb və onlara "rus” olduqlarına görə "təşəkkür edirəm” deyib.
Qaynarinfo xəbər verir ki, bu barədə Moskvadakı "Allah Anası” Baş Yeparxiyasının xidmət internet saytı
yazıb.
Qeyd olunur ki, Roma Papası avqustun 25-də Sankt-Peterburqda katolik gənclərin Ümumrusiya toplantısında müvafiq çıxış edib.
"Heç vaxt irsinizi unutmayın. Siz böyük Rusiyanın varislərisiniz: müqəddəslərin, hökmdarların böyük Rusiyası, I Pyotrun böyük Rusiyası, II Yekaterina, o imperiya - böyük, maariflənmiş, böyük mədəniyyətə və böyük insanlığa malik ölkə idi. Heç vaxt bu mirasdan imtina etməyin. Siz böyük ana Rusiyanın varislərisiniz, buna davam edin. Sizə təşəkkür edirəm. Varlığınız üçün, rus olmağınıza görə təşəkkür edirəm", - Frensis deyib.
Moskva Baş yeparxiyası qeyd edir ki, Roma Papası Rusiya Federasiyası gənclərinin Rusiya ilə necə əlaqəsi olduğuna dair suala belə cavab verib.
Xatırladaq ki, bazar günü, iyulun 30-da Vatikanda mesajı zamanı Papa Fransisk Rusiya Federasiyasını Ukrayna ilə taxıl müqaviləsini bərpa etməyə çağırıb.
Bu kontekstdə o, Rusiya Federasiyasının hakimiyyət orqanlarını "qardaş” adlandırıb:
"Qardaşlarıma, Rusiya Federasiyasının hakimiyyət orqanlarına müraciət edirəm ki, Qara Dəniz Təşəbbüsü yenilənsin və taxıl təhlükəsiz şəkildə daşınsın”, - pontifik bildirib.
O, eyni zamanda taxıl ixracının pozulmasından əziyyət çəkən milyonlarla insanın naləsini göylərə göndərdiyini xatırladıb.
Alpər
