İmzalanmış memorandum iki tərəfin neft-qaz sənayesində əməkdaşlığını nəzərdə tuturSOCAR Trading SA və ONGC Videsh Limited anlaşma memorandumu imzalayıb.
"Report" "SOCAR Trading"ə istinadən xəbər verir ki, imzalanma mayın 27-də baş tutub.
İmzalanmış memorandum iki tərəfin satışdan gələn gəlirin optimallaşmasında təcrübənin mübadiləsi yolu ilə neft-qaz sənayesində əməkdaşlığını nəzərdə tutur.
Qərargahı Cenevrədə yerləşən "SOCAR Trading" Azərbaycan Dövlət Neft Şirkətinin (SOCAR) marketinq bölməsi kimi Azərbaycanın "Azəri-Çıraq-Günəşli" yaxınlıqdakı digər yataqlarından hasil olunan Azərbaycan neftinin satışı üçün 2007-ci ilin dekabr ayında qeydiyyatdan keçib. 2016-cı il yanvar ayına olan vəziyyətə görə, "SOCAR Trading"in Cenevrə, London, Sinqapur, Dubay və Kalqaridəki beş əsas ticarət nümayəndəliklərində, eləcə də bir neçə digər nümayəndəlikdə olan 200-dən artıq əməkdaşı var.
Qaynarinfo.az
