Somalidə milyonlarla insan aclıq riski ilə üzləşib.
Qaynarinfo Alarabiya saytına istinadən xəbər verir ki, bu barədə BMT-nin yaydığı
hesabatda deyilir.
Kəskinləşən quraqlıq ən çox gənc insanları risk altında qoyub.
"Somalidə yağış azlığı, artan ərzaq qiymətləri və böyük dərəcədə maliyyə kəsintilərinə görə əhalinin 40%-i aclıqla üz üzədir”, - açıqlamada deyilir.
Xəbər verilir ki, ölkənin bir çox hissəsində dəhşətli quraqlıq hökm sürür. BMT qurumları yetəri qədər maliyyə yardımı olmadığı üçün 2011-ci il aclığının təkrar baş vermə ehtimalı barədə xəbərdarlıq edirlər.
"Biz demək olar ki, yeməyi aclardan alıb, aclıqdan ölmək üzə olanlara veririk”, - BMT ərzaq proqramının Somali üzrə nümayəndəsi El Khidir deyib. O, ölkədəki vəziyyəti humanitar faciə adlandırıb.
Son hesabata görə, ölkə əhalisinin 6 milyonu və ya 40% son dərəcə kəskin ərzaq təhlükəsizliyi ilə üz üzədir.
Ölkədə 1.4 milyon uşağın qidasız qaldığı bildirilir.
Nurlan Hüseynov
