Sudan prezidenti Ömər Əl Bəşir ölkədə nümayiş və tətilləri qadağan edib.
Qaynarinfo xəbər verir ki, ölkə rəhbəri 4 qərarnamə qəbul edib. Yeni qərarlara görə, nümayişlər qadağan edilir, təhlükəsizlik əməkdaşlarına şəxsləri axtarmaq, qanunsuz yer, əşya və pulu ələ keçirmək hüququ verilir. Dövlət, xalq və konstitusiya əleyhinə yazılar qadağan edilir. 3 min dollardan çox xarici valyuta daşımağa artıq icazə verilməyəcək.
Qeyd edək ki, Sudanda 2 aydan çoxdur hökumət əleyhinə nümayişlər davam edir. Ömər Əl Bəşir ötən günlərdə hökuməti istefaya göndərərək 1 il müddətinə fövqəladə vəziyyət elan edib.
Gülşən
