Azərbaycan Premyer Liqası təmsilçisi "Sumqayıt”ın yeni baş məşqçisi bəlli olub.
Qaynarinfo klubun mətbuat xidmətinə istinadən xəbər verir ki, "kimyaçılar” portuqaliyalı mütəxəssis Filipe Kandido ilə 1 illik müqavilə imzalayıb.
Bu gün klubun təsisçisi və baş sponsoru olan "Azərikimya” İB-nin ofisində təşkilatın baş direktoru və klubun Müşahidə Şurasının sədri Elnur Məmmədli yeni baş məşqçini qəbul edib. Sədr portuqaliyalı mütəxəssisə xatirə hədiyyələri təqdim edib qarşıdakı mövsümdə işlərində uğurlar arzulayıb.
