Qaynarinfo-nun məlumatına görə, NATO-nun baş katibi Yens Stoltenberq deyib ki, Rusiya diktatoru Vladimir Putin nüvə müharibəsində qalib gəlməyib mümkün olmadığını bilməlidir.
"Rusiyanın nüvə bombalarından qorxmağa dəyərmi" sualını cavablandıran Stoltenberq deyib ki, NATO hələlik Rusiya nüvə silahlarında daha yüksək səviyyəli hazırlıq
görmür.
"Bununla belə, Rusiyanın nüvə hay-küyü təhlükəli və məsuliyyətsizdir. Putin bilməlidir ki, nüvə müharibəsində qalib gəlmək mümkün deyil və belə bir müharibə heç vaxt aparılmamalıdır. Bu bizim Rusiyaya açıq siqnalımızdır”, deyə o, "Bild”ə müsahibəsində bildirib.
Stoltenberq bildirib ki, NATO bütün üzv dövlətlərini qoruyur.
İyunun 17-də Rusiya prezidenti Vladimir Putin Rusiya Federasiyasının dünyanı nüvə silahı ilə təhdid etmədiyini, lakin "suverenliyə təhlükə yaranarsa” ondan istifadə etməyə hazır olduqlarını bildirib.
Nizami Bağırov
