ABŞ seçkilərində namizədlərin rəsmi elan edilməsinə yeddi ay qalmış Donald Tramp respublikaçı seçicilərin aşkar favoriti olaraq qalır. Professor Devid Koen etiraf edir ki, başqa bir siyasətçinin post uğrunda mübarizə aparacağı senari hələ də mümkündür.
Qaynarinfo xəbər verir ki, bu barədə NV
yazır.
2024-cü ilin iyulunda Respublikaçılar partiyası ABŞ prezident seçkilərində namizədinin adını rəsmən açıqlayacaq. İndi Ağ Evin ekssentrik keçmiş rəhbəri Donald Tramp namizədlik uğrunda mübarizə aparan bütün partiya yoldaşlarını xeyli qabaqlayır. Bununla belə, bir sıra respublikaçı siyasətçilər onunla rəqabət aparmaq ümidini itirmir. Onların arasında qubernator Ron DeSantis və ABŞ-ın BMT-dəki keçmiş səfiri, keçmiş qubernator Nikki Heyli ən yüksək reytinqə malikdir.
Sonuncunun reytinqi əvvəlki aylarda əhəmiyyətli dərəcədə artıb: bəzi ştatlarda onun reytinqi təkrəqəmlidən 20%-ə qədər yüksəlib. Cənubi Karolinanın 51 yaşlı eks-qubernatorunun seçki kampaniyası ABŞ-ın aparıcı mediaların diqqətini getdikcə daha çox cəlb edir. Bu arada, əsas donorlar və Respublikaçılar Partiyasının yüksək vəzifəli məmurları Heyliyə dəstək verirlər.
Siyasi elmlər professoru və Akron universitetinin tətbiqi siyasət proqramının direktoru Devid Koenin fikrincə, Heylinin Respublikaçı namizədliyini qazanmaq şansı indi çox azdır. Bu, çoxsaylı ittihamlara, təxribatçı ifadələrə və respublikaçıların debatlarında iştirakdan imtina etməsinə baxmayaraq, seçicilərin rəğbətini qoruyub saxlaya bilmiş Trampın hədsiz populyarlığı ilə bağlıdır.
"Donald Trampın çox üstünlüyü var və respublikaçıların əhəmiyyətli bir hissəsi tərəfindən çox bəyənilir, - deyə Koen izah edir. - Əslində, kampaniya irəlilədikcə o, daha da populyarlaşdı".
Heylinin mövqeyini yaxşılaşdıra biləcək yeganə şey Trampın qalan rəqiblərinin Respublikaçılar partiyasının namizədliyi uğrunda mübarizədən geri çəkilməsi və daha sonra iddialı eks-qubernatoru dəstəkləməyə çağırışı olacaq. Politoloq əmindir ki, bu baş verməyəcək.
"Hazırda belə görünür ki, Heyli Respublikaçıların praymerizndə ikinci yeri tutacaq, - Koen bildirir. - Və bu, Trampın seçkidən əvvəl mühakimə və həbs olunduğu halda, heç də pis mövqe deyil".
Koen sonuncu senarini mümkünsüz adlandırır. Bununla belə, o, əlavə edir: Tramp 2024-cü ilin noyabrında seçkiləri uduzsa, Heyli yaxşı siyasi perspektivlərə malik olacaq və 2028-ci il prezident seçkilərində Respublikaçıların favoriti ola bilər.
Nizami Bağırov
