ABŞ-ın keçmiş prezidenti Donald Tramp Corciya ştatında rəsmi həbs prosedurundan keçdikdən sonra seçki kampaniyası üçün 7,1 milyon dollara yaxın ianə toplayıb.
Qaynarinfo xəbər verir ki, bu barədə "Politico”
yazır.
Nəşrin məlumatına görə, təkcə avqustun 25-də keçmiş Amerika lideri 4,18 milyon dollar toplaya bilib ki, bu da əvvəllər heç kimin cəmi bir gündə toplaya bilmədiyi rekord məbləğdir.
Nəşr qeyd edir ki, buna Trampın 2020-ci ildə seçkilərə müdaxilə etdiyinə görə nominal həbs prosedurundan keçdiyi cəzaçəkmə müəssisəsində çəkilmiş həbsxana fotoşəkili olan köynəklər və afişalar da daxil olmaqla malların satışı şərait yaradıb.
ABŞ-ın keçmiş prezidentinin seçki qərargahının məlumatına görə, son üç həftə ərzində Tramp seçki kampaniyası üçün təxminən 20 milyon dollar ianə toplaya bilib.
Avqustun 25-də Tramp Corciya ştatının Fulton qraflığında həbsxanaya daxil olub. Siyasətçi 2020-ci il seçki işində rəsmi həbs prosedurundan keçib. Bu, ona qarşı dördüncü cinayət ittihamıdır. Medianın hesablamalarına görə, siyasətçini ümumilikdə 600 ildən çox həbs cəzası gözləyir.
Tramp özü günahını etiraf etmir, bütün araşdırmaları prezident Co Baydenin başçılıq etdiyi ABŞ hökumətinin onun Ağ Evə qayıtmasının qarşısını almaq cəhdləri ilə əlaqələndirir.
Aydın
