ABŞ-ın keçmiş prezidenti Donald Tramp həbsxanaya düşə bilər, lakin yenidən prezident seçkilərində qalib gələrsə, özünü əfv edə bilər.
Qaynarinfo xəbər verir ki, bu barədə ABŞ-ın keçmiş federal prokuroru Ankuş Hardori "Politico" üçün köşə yazısında
yazır.
Trampın məxfi sənədlərlə düzgün davranmaması ilə bağlı sanksiya 20 il həbs cəzası nəzərdə tutur. Bununla belə, Tramp yenidən prezident seçilərsə, məhkəmə istintaqının nə qədər uzağa getməsindən asılı olmayaraq, o özünü əfv edə biləcək, - məqalə müəllifi yazır.
ABŞ-ın eks-prezidenti, həmçinin, baş prokuroruna baxılan bütün cinayət işlərinə xitam verməyi və özünün və ya tərəfdaşlarının iştirak edə biləcəyi bütün təhqiqatları bağlamaq göstərişini verə bilər. Buna Trampın Senat tərəfindən təsdiqlənmiş baş prokuroru olmasa belə, nail olmaq olar, çünki o, istədiyini edəcək birini tapana qədər istənilən baş prokuroru vəzifələrini icra edəni işdən çıxara bilər, - Hardori davam edir.
Məhz buna görə də, nəşrin müəllifinin fikrincə, Trampın məxfi sənədlərlə düzgün davranmaması ilə bağlı ittiham aktını dərc edən federal prokurorlar ABŞ ictimaiyyətinə Trampın törətdiyi əməllərin ciddiliyi haqqında mesaj göndərmək üçün orada hüquqi nöqteyi-nəzərdən lazım olandan daha çox təfərrüat vermək qərarına gəliblər.
ABŞ-ın keçmiş federal prokurorunun sözlərinə görə, ittihamnamədə Trampın sənədlərlə necə məsuliyyətsiz davrandığını, onları tualetdə saxladığını və federal müstəntiqlərə necə mane olmağa çalışdığını nümayiş etdirən uzun bir ittiham siyahısı var.
"Trampın ən yaxşı və ən sadə müdafiəsi seçkidə iştirak etməyə davam etmək və qalib gəlməkdir. Hətta normal cinayət işində nisbətən sadə məsələ olan məhkəmə tarixinin təyin edilməsi Tramp seçki yarışında qaldığı müddətcə siyasi təqvimlə çətinləşəcək”, - Hardori əlavə edir.
Nizami Bağırov
