Türkiyənin xarici işlər naziri Mövlud Çavuşoğlu bildirib ki, Ankara Ukraynadakı münaqişənin tez bir zamanda həlli üçün prezident Rəcəb Ərdoğanın Moskvaya səfərinin təşkili məsələsini bir sıra digər ölkələrin liderləri ilə birlikdə hazırlamağa hazırlaşır.
Qaynarinfo xəbər verir ki, bu barədə TASS məlumat yayıb.
Agentliyin məlumatına görə, Braziliya prezidenti Jair Bolsonaro bu görüşün təşkilində iştirak etməyə hazırdır. Latın Amerikası turundan sonra Çavuşoğlu Venesuelanın Rusiya ilə yaxşı münasibətlərdə olduğunu xatırladıb. Braziliya hakimiyyəti kimi Venesuela hökuməti də hesab edir ki, Ukraynada döyüşlər dayandırılmalıdır.
"Biz bu səyə töhfə vermək istədiyimizi söylədik. Biz bu məsələnin üzərində işləyəcəyik və cavab verəcəyik”, - deyə Türkiyə XİN rəhbəri bildirib.
Bundan əvvəl məlum olmuşdu ki, Ankara Kiyevin təhlükəsizliyinin təminatçısı kimi çıxış etməyə hazır olması məsələsinə ümumiyyətlə müsbət baxır.
Alpər
