Türkiyə Yunanıstanla sərhəddə "Dəniz Aslanı 2022” təliminin aktiv mərhələsinə başlayıb.
Qaynarinfo xəbər verir ki, bu haqda "TRT Haber”in məlumatında
deyilir.
"Egey dənizinin beynəlxalq sularında və Türkiyənin hava məkanında Türkiyənin axtarış-xilasetmə zonası daxilində Sahil Mühafizə Komandanlığının təşkil etdiyi "Dəniz Aslanı 2022” təliminin faktiki hissəsi başlayıb”, - məlumatda bildirilir.
Qeyd olunur ki, manevrlərin keçirilməsində məqsəd birgə əməliyyatların aparılması, problemlərin müəyyən edilməsi və aradan qaldırılması imkanlarını artırmaqla axtarış-xilasetmə işlərinə hazırlığın təkmilləşdirilməsidir.
Təlimə Quru Qoşunlarının komandanlığından 1 axtarış-xilasetmə helikopteri, Hərbi Dəniz Qüvvələri komandanlığından 1 freqat, Hərbi Hava Qüvvələri komandanlığından 1 axtarış-xilasetmə təyyarəsi, 1 axtarış-xilasetmə helikopteri, 2 nəqliyyat təyyarəsi, 1 döyüş təyyarəsi, Jandarma Baş Komandanlığı və Sahil Təhlükəsizlik qüvvələrinə aid 1 axtarış xilasetmə vertolyotu cəlb olunub.
"Dəniz Aslanı 2022” təlimlərində Şimali Kipr Türk Cümhuriyyəti Təhlükəsizlik Qüvvələri Komandanlığından 1 qayıq və axtarış-xilasetmə üzrə ixtisaslaşmış personal da çalışacaq.
Daxili işlər nazirinin müavini Mehmet Ersoy, Sahil Mühafizəsi komandanı kontr-admiral Əhməd Kendir və 27-si xarici olmaqla 47 müşahidəçi təlimi izləyir.
Alpər
