Türkiyədə ağır yol qəzası: 5 ölü, 10 yaralı

Türkiyənin Ərzurum şəhərində Çat ərazisindəki Barmaqsız kəndində ağır yol qəzası meydana gəlib.

Qaynarinfo Türkiyə KİV-inə istinadən xəbər verir ki, səhər saatlarında baş verən qəzada avtomobillə avtobus toqquşub. Nəticədə 1-i azyaşlı olmaqla 5 nəfər ölüb, 10 nəfər isə yaralanıb. 

Əraziyə çox sayda tibbi yardım və polis maşını cəlb edilib. Yaralılar xəstəxanalara aparılıb. 

Qəza ilə bağlı istintaq prosesinə start verilib.