Region Türkiyədə aralarında təhlükəsizlik orqanlarının əməkdaşlarının da olduğu şübhəlilərə qarşı əməliyyatlar başlayıb.
ANS PRESS-in məlumatına görə, İstanbuldakı müxtəlif ünvanlarda imsaqda başlayan əməliyyatda bəzi şəxslər saxlanılıb. Şübhəlilər arasında polislərin olduğu, 200-ə yaxın ünvanda axtarış edildiyi açıqlanıb.
İstanbul polis idarəsinin terrorla mübarizə şöbəsinin təşkil etdiyi əməliyyatda saxlanılanlar sonradan İstanbul Təhlükəsizlik İdarəsinə gətirilib.
Şübhəlilər cinayət törətmək məqsədiylə təşkilat qurmaq, qeyri-qanuni dinləmə və saxtakarlıq kimi cinayətləri törətməkdə ittiham olunurlar. Saxlanılanlar arasında sabiq İstanbul polis idarəsinin terrorla mübarizə şöbəsinin müdiri Ömər Köşə də var.
Qeyd edək ki, sabiq müdir 17 və 25 dekabr əməliyyatları zamanı İstanbul polis idarəsinin terrorla mübarizə şöbəsinin müdiri vəzifəsini icra edib.
Qaynar.info
