Türkiyənin Mersin şəhərinin cənubunda baş vermiş bomba partlayışı nəticəsində 2 polis əməkdaşı yaralanıb.
Mersin polis idarəsindən hadisənin terror aktı olduğu bildirilib. Açıqlamaya görə, bu bombalı hücumun təşkilatçılarını və icraçılarını tapmaq üçün əməliyyat-axtarış tədbirləri başladılıb.
Mersin şəhərinin meri Özdəmir Çakaçak bombanın uzaqdan idarə olunan qurğu ilə parladıldığını və məsələ ilə bağlı təhqiqatların davam etdiyini deyib.
Yaralanmış 2 polis əməkdaşı Mersin Tibb Universitetinin xəstəxanasına yerləşdiriliblər. Onların vəziyyətinin orta-ağır olduğu bildirilib.(Ölkə.Az)
Qaynar.Az
