İskəndərunda axtarış-xilasetmə qrupu ukraynalı qadını və 4 yaşlı oğlunu binanın dağıntıları altından çıxara bilib.
Qaynarinfo xəbər verir ki, bu barədə CNN Türk
yazıb.
Xilasedicilər Ukraynada doğulmuş Yelena Akgül və onun 4 yaşlı oğlu Yükselin yanına çata biliblər. Aydındır ki, qadının Türkiyədə yaşayır, ancaq Türkiyə vətəndaşlığının olub-olmadığı barədə məlumat verilmir.
Dağıntılar arasında xilas dəliyi açılmazdan əvvəl oğlan çıxarılıb. Yelena Akgül daha sonra incə əməliyyatla dağıntılar altından çıxarılaraq həkim qruplarına təhvil verilib.
Hazırda ana və oğlunun səhhətinin qənaətbəxş olduğu məlum olub.
Daha əvvəl bildirilmişdi ki, Türkiyədə dağıdıcı zəlzələdən sonra dağıntılar altında 101 saat qaldıqdan sonra eyni ailənin 6 üzvü xilas edilib.
Türkiyə və Suriyada baş verən dağıdıcı zəlzələlər nəticəsində ölənlərin ümumi sayı cümə axşamı axşam saatlarında artıq 20 mini keçib.
Alpər
