ABŞ-ın Ankaradakı səfirliyinin binasına silahlı hücumla bağlı daha 2 nəfər həbs edilib.
Qaynarinfo-nun Türkiyə mətbuatına istinadən məlumatına görə, hazırda tutuln şübhəlilər polis tərəfindən sorğu-sual edilir.
Beləliklə hadisə ilə bağlı saxlanılanların sayı 4 nəfərə çatıb.
Qeyd edək ki, səfirlik binasına hücum ötən həftənin bazar ertəsi günü, yerli vaxtla səhər saat 5:30-da baş verib. Atatürk bulvarına ağ rəngli avtomobillə gələn naməlum şəxslər ABŞ səfirliyinə 6 əl atəş açıblar. Hadisə zamanı xəsarət alan olmayıb.
