İstanbulun Gezi Parkı üçün başlayan və bütün ölkəyə yayılan aksiyalardan sonra tanınmış fotoqraf Mehmet Turqut Türkiyənin NTV kanalında yayımlanan verilişini dayandırdığını bildirib.
Qaynar.info-nun məlumatına görə, "Twitter" vasitəsilə açıqlama verən Turqut kanalda yayımlanan "Falan Filan" adlı verilişini Gezi Parkı və bütün ölkədə baş verən aksiyalara mətbuatın soyuq yanaşmasına etiraz olaraq dayandırdığını deyib: "Hamımızın bildiyi səbəblərdən ötrü NTV-də yayımlanan "Mehmet Turqutla Falan Filan" verilişini dayandırıram".
Taksimdəki etiraz aksiyalarına NTV-nin səssiz qalması və senzura tətbiq etməsi səbəbindən kanalda xəbər prodüseri işləyən Ömər Aykar istefa verməsindən sonra, "Doğuş" Yayın Qrupunun redaktoru Dilarə Eldaş da "yayım siyasəti" səbəbindən istefa verib.
Qaynar.info
