"Bu ilin oktyabrında Türkiyənin yerli vaksini olan "TURKOVAK"ın kütləvi istehsalına başlanıla bilər".
Qaynarinfo xəbər verir ki, bu barədə Türkiyənin səhiyyə naziri Fəxrəddin Qoca bildirib.
Onun sözlərinə görə, "TURKOVAK”ın təcili istifadəyə verilməsi üçün müraciət mərhələsinin vaxtı çatıb.
"Təsdiq ediləcəyi təqdirdə oktyabr ayında vaksinin kütləvi istehsalına başlayacağıq”, - nazir bildirib.
Əlavə edib ki, inaktiv peyvəndi olan "SİNOVAK”la "TÜRKOVAK”ın müqayisəli üçüncü faza fəaliyyətləri sabah başa çatmış olacaq: "Gələn həftə bu araşdırmaların nəticəsi açıqlanacaq”.
