Finlandiya və Estoniya hakimiyyəti çətin hava şəraiti ilə əlaqədar üç Rusiya təyyarəsinə öz hava məkanında uçmağa icazə verib.
Qaynarinfo
xəbər verir ki, hadisə avqustun 17-də Rusiya, Ural Hava Yolları və "Nordwind” aviaşirkətlərinin təyyarələrində baş verib.
Federal Hava Nəqliyyatı Agentliyi bildirib ki, Rusiya aviaşirkətlərinə məxsus üç təyyarə ildırım səbəbindən Kalininqrada və əksinə neytral sular üzərindən uçuş zamanı Finlandiya və Estoniyanın hava sərhədlərini keçməyə məcbur olub. Departament qeyd edib ki, Finlandiya və Estoniya hava xidmətləri tam həcmdə "Rusiya təyyarələrinə təhlükəsiz texniki xidmət göstərib”.
"Aviatorshchina” Telegram kanalının məlumatına görə, avqustun 17-nə keçən gecə "fırtına cəbhəsi Finlandiya körfəzinin neytral suları üzərindən Kalininqrada uçmaq üçün yeganə dəhlizi bir neçə dəqiqə ərzində tamamilə bağlayıb”.
Xatırladaq ki, Ukrayna ilə müharibə başladıqdan sonra Aİ ölkələri səmalarını Rusiya laynerləri üçün tamamilə bağlayıb.
Alpər
