Krım körpüsünə pilotsuz katerlərin köməyi ilə üç hücum cəhdi Rusiya hərbçiləri tərəfindən dayandırılıb.
Qaynarinfo
xəbər verir ki, bu barədə Rusiya Müdafiə Nazirliyindən məlumat verilib.
Nazirliyin məlumatına görə, Ukraynaya məxsus pilotsuz qayığın ilk zərbə cəhdi sentyabrın 1-də saat 23:15 radələrində, ikinci cəhd saat 02:10 radələrində, üçüncü cəhd isə 10 dəqiqə sonra dayandırılıb. Hər üç pilotsuz qayıq məhv edilib.
İlk hücum cəhdindən sonra Krım körpüsündə avtomobil nəqliyyatının hərəkəti müvəqqəti olaraq bağlanıb.
Nazirlik xatırladır ki, avqustun 12-də Krım körpüsünə iki zərbə endirmək cəhdinin qarşısı alınıb. Kerç boğazı ərazisində hava hücumundan müdafiə qüvvələri tərəfindən vurulan iki S-200 raketinin buraxılması barədə məlumat verilib. Eyni zamanda, Ukraynanın Milli Təhlükəsizlik və Müdafiə naziri Oleksiy Danilov daha əvvəl təsdiqləyib ki, Ukrayna xüsusi xidmət orqanları 2022-ci ilin oktyabrında və 2023-cü ilin iyulunda Krım körpüsündə baş verən partlayışlarda iştirak ediblər. Həmçinin Kiyevdə onlar Rusiyanın müdafiə qabiliyyətini azaltmaq üçün Krıma və Krım körpüsünə zərbələri davam etdirəcəklərini vəd ediblər.
Alpər
