Ukraynanın döyüş əməliyyatlarına xərclədiyi məbləğ açıqlanıb.
Qaynarinfo xəbər verir ki, bu barədə Ukrayna Prezidentinin Ofisi məlumat yayıb.
Məlumata görə, döyüş əməliyyatlarına xərcləri ay ərzində təxminən 10 milyard dollar təşkil edir.
Qeyd edək ki, bu gün Volodimir Zelenskinin sədrliyi ilə iqtisadi inkişafla bağlı iclas keçirilib. Nazirlər Kabinetinin nümayəndələri ilə keçirilən görüşdə xərclərin maliyyələşdirilməsi mənbələri, vergi gəlirləri və Ukraynanın beynəlxalq tərəfdaşlarının köməyi müzakirə edilib.
İclasda Ukrayna iqtisadiyyatının yaxın gələcəkdə inkişafı ilə bağlı proqnozlar nəzərdən keçirilib.
