Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Ukraynadakı müharibə üçün növbəti aylar həlledici olacaq - ABŞ generalı
Əvvəllər Trampın milli təhlükəsizlik üzrə müşaviri olmuş general-leytenant Herbert Makmaster Ukraynadakı müharibənin növbəti mərhələsini müəyyənləşdirəcək qarşıdakı ayların "həqiqətən həlledici” olacağını bildirib. Onun sözlərinə görə, bu, Trampın prezident vəzifəsinə keçməsinin gözlənilməsi ilə bağlıdır.
Qaynarinfo xəbər verir ki, bu barədə "CBS News” məlumat yayıb.
Makmaster qeyd edib ki, həm Rusiya, həm də Ukrayna yeni Tramp administrasiyasının hakimiyyətə gəlməsinə qədər döyüş meydanında maksimum uğur əldə etməyə çalışır. Bu, gələcək danışıqlarda onlara daha güclü mövqe qazandıracaq.
Ukraynanın mövqelərini möhkəmləndirmək üçün Bayden administrasiyası piyada əleyhinə minaların tədarükünü təsdiqləyib və Ukraynanın ABŞ-ın uzaqmənzilli raketlərindən Rusiya ərazisindəki hədəflərə qarşı istifadəsinə qoyulan məhdudiyyətləri aradan qaldırıb.
Eyni zamanda, Trampın yeni administrasiyasında əsas vəzifələrə namizədlərin əksəriyyəti ya Ukraynaya dəstəyin davam etdirilməsinə qarşı çıxıb, ya da müharibənin danışıqlar yolu ilə başa çatmasını müdafiə edib.
Makmaster bu dinamikanı "ciddi problem” adlandıraraq, bunun ukraynalılara "psixoloji zərbə” vurduğunu qeyd edib.
"Ukraynalılar lazım olan işçi qüvvəsini formalaşdırmaq və müdafiə səylərini davam etdirmək üçün hər şeyə çalışırlar. Vacibdir ki, onlar zəruri silahları və hazırlığı əldə etsinlər. Həmçinin, qalib gələcəklərinə əmin olmalıdırlar. Yardımın azaldıla biləcəyi ilə bağlı hər hansı bir mesaj, onların mənəviyyatına dağıdıcı təsir göstərir”, – deyə Makmaster bildirib.
O, ümid etdiyini qeyd edib ki, Tramp və komandası Ukraynadakı müharibə ilə mövcud dünya nizamını dağıtmağa çalışan yeni təcavüzkar ox arasında açıq əlaqəni anlayacaq. Makmaster Şimali Koreya əsgərlərinin İkinci Dünya Müharibəsindən sonra ilk dəfə Avropadakı döyüşlərdə iştirakını, Çinin Rusiyaya dəstəyini, eləcə də İran tərəfindən dron və raket tədarükünü qeyd edib.
Generalın sözlərinə görə, bir çoxları Ukrayna müharibəsinə çox dar çərçivədə baxır və Putinin niyyətlərini anlamır.
Xatırladaq ki, "Le Monde” nəşri Avropada Ukraynaya qoşun göndərilməsi ilə bağlı gizli müzakirələrin yenidən başladığını yazır.
Məlumatlara görə, Böyük Britaniya və Fransa müdafiə əməkdaşlığını müzakirə edir, xüsusilə Ukraynanın dəstəklənməsi və ümumilikdə Avropanın təhlükəsizliyinin təmin olunmasına yönəlmiş möhkəm Avropa alyansının yaradılmasına diqqət yetirilir.
Alpər
Oxşar xəbərlər
Sabah 34 dərəcə isti olacaq
Ölkə
07.09.2024
Azərbaycanda 65 yaşlı müəllim vəfat etdi
Ölkə
07.09.2024
Polkovnik Həziyev haqda yeni qərar
Ölkə
07.09.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər