Rusiya Ukraynanın paytaxtı Kiyev və Zaporojya bölgələrinə yenidən raket zərbələri endirib.
Qaynarinfo xəbər verir ki, raketlərdən biri cənuba, Avropanın ən böyük atom elektrik stansiyasının yerləşdiyi yerə
düşüb.
Hava hücumu sirenləri gecə yarısından etibarən Kiyevdə işə düşüb və səhərə qədər davam edib. Ukraynanın yerli mediası və rəsmiləri bildiriblər ki, hakimiyyət sakinləri sığınacaq axtarmağa çağırıb.
Bu arada Rusiyanın yüksək rütbəli rəsmisi xəbərdarlıq edib ki, ABŞ və müttəfiqlərinin kommersiya peykləri Ukrayna müharibəsində iştirak edərlərsə, Rusiyanın cavab zərbələri üçün hədəf ola bilərlər.
ABŞ kommersiya peykləri artıq Rusiya qoşunlarının və silah birləşmələrinin və işğal etdikləri ərazilərdə qalan kütləvi məzarlıqların görüntülərini təqdim edib.
Ukrayna prezidentinin müşaviri Mixaylo Podolyak
Ukrayna prezidentinin müşaviri Mixaylo Podolyakın sözlərinə görə, Ukrayna qoşunları işğalçı Rusiya qüvvələrinə doğru irəlilədikcə "ən ağır döyüşlər” Xersonda gedir. Rusiyanın strateji əraziyə nəzarəti əvvəlki aylara nisbətən daha zəif olsa da, onu tərk etməyə hazır görünmür. Daha doğrusu, mülki şəxslərə təxliyə əmri verdikdən və qalan kişiləri yerli milislərə qoşulmağa dəvət etdikdən sonra uzun sürən döyüşlər üçün panlar qurulur.
MAQATE isə Rusiyanın "çirkli bomba” iddialarından sonra obyektləri yoxlamaq üçün tezliklə Ukraynaya müfəttişlər göndərmək qərarına gəlib. Bu barədə MAQATE-nin Baş direktoru Rafael Mariano Qrossi məumat verib:
MAQATE-nin Baş direktoru Rafael Mariano Qrossi
"Ukrayna xarici işlər naziri Dmitro Kuleba ilə bu barədə çox geniş müzakirə apardıq. O, belə qənaətə gəldi ki, hər hansı şübhələri aradan qaldırmağın ən yaxşı yolu müfəttişləri ökəyə buraxmaqdır və biz bunu edəcəyik”.
Qrossi əlavə edib ki, yoxlamaların aparılması çox güman bir neçə gün çəkəcək.
ABŞ və müttəfiqləri isə Rusiyanın Ukraynanın "çirkli bomba” hazırlaması ilə bağlı iddialarını rədd edib.
Xəyal Abdullayev
