Donetsk istiqamətində hücum zamanı Ukrayna Silahlı Qüvvələrinin Xüsusi Əməliyyat Qüvvələrinin (XƏQ) əsgərləri üç Rusiya hərbçisini əsir götürüb.
Qaynarinfo bu barədə "Unian"a istinadla xəbər
verir.
XƏQ döyüşçüləri deyirlər ki, əsir götürülən ruslar təlim kitabçasına uyğun olaraq, hara göndərildiklərini bilmədiklərini və döyüşmək istəmədiklərini bildiriblər.
"Əsirlərlə sonrakı iş zamanı məlum oldu ki, onlardan biri məhkum edilmiş residivistdir. O, Ukraynaya qarşı müharibəyə cəlb olunanda altıncı dəfə həbsxanada cəza çəkirmiş. Sonradan ona ukraynalıları öldürmək müqabilində azadlıq vəd edilib. Düzdür, indi onun onu nə vaxt azadlığı görə biləcəyi məlum deyil”, XƏQ-dən bildirilib.
Ukraynalı müdafiəçilər qeyd edirlər ki, əsir düşmək rusların sağ qalmasının yeganə yoludur.
"Xatırladırıq ki, Ukrayna Silahlı Qüvvələri əsir götürür və hərbi əsirlərlə bütün normalara və beynəlxalq standartlara uyğun davranır. Bizim ərazimizə gəlmələrinə baxmayaraq, heç kim onlara qarşı zorakılıq tətbiq etmir", - XƏQ döyüşçüləri deyir.
Alpər
