Ukraynanın rəqəmsal transformasiya naziri Mixail Fyodorov diz çökərək SpaceX-in rəhbəri İlon Maskdan ölkədə Starlink qlobal peyk rabitəsi sisteminin işə başlaması üçün xahiş etdiyini bildirib.
Qaynarinfo bu barədə
AP-yə istinadla xəbər verir.
"Mən sadəcə diz çökmüşdüm, Ukraynada işləməyə başlamalarını xahiş edirdim və söz verdim ki, biz dünya rekordu vuracağıq", - o deyib və Starlink terminallarının Ukraynaya verilməsinin "minlərlə insanın həyatını xilas etdiyini" söyləyib. Fyodorovun sözlərinə görə, Ukraynanın müdafiə qabiliyyəti baxımından əhəmiyyətinə görə, peyk terminallarını ABŞ-ın təchiz etdiyi MLRS ilə müqayisə etmək olar.
Agentlik qeyd edir ki, bu günə qədər o, 24 minə yaxın Starlink terminalını Ukraynaya köçürüb.
Fyodorov daha əvvəl bildirmişdi ki, Ukrayna hakimiyyəti SpaceX ilə növbəti bir neçə ay ərzində təhvil veriləcək 10 mindən çox Starlink peyk terminalı almağa razılaşıb.
Alpər
