Bu gecə düşmənin 44 hava hədəfi qeydə alınıb, onlardan 43-ü məhv edilib.
Qaynarinfo xəbər
verir ki, bu barədə çərşənbə günü səhər, avqustun 30-da Ukrayna Hərbi Hava Qüvvələri məlumat yayıb. "28 qanadlı raketin hamısı və 16 zərbə PUA-sından 15-i məhv edilib", - məlumatda deyilir.
O cümlədən, Xəzər dənizi və Engels rayonundan 11 Tu-95MS strateji təyyarəsindən 28 ədəd Kh-101/Kh-555/Kh-55 raket atılıb. Həmçinin cənub və şimal istiqamətlərindən (Primorsko-Axtarsk, Kursk) "Şəhed-136/131” tipli 16 zərbə PUA-sı buraxılıb.
"Hərbi Hava Qüvvələrinin hava hücumundan müdafiə qüvvələri və vasitələri Ukrayna Müdafiə Qüvvələrinin hava hücumundan müdafiəsi ilə birgə Kiyev, Çerkassı, Odessa şəhərləri və Nikolaev bölgələri daxilində bütün 28 qanadlı raketi və Şahed-136/131 tipli 15 zərbə PUA-nı məhv edib", - Hərbi Hava Qüvvələri qeyd edir.
Məlumatda bildirilir ki, Ukraynanın bir sıra bölgələrində raket və pilotsuz təyyarələrin marşrutu boyunca hava hücumundan müdafiə vasitələri işləyib. Hava hücumunun dəf edilməsinə zenit-raket qüvvələri, aviasiya, mobil atəş qrupları və digər məhvetmə vasitələri cəlb edilib.
Alpər
