Elm adamları gənc uşaqlarda sirli və bəzən ölümcül hepatit hallarının ən çox ehtimal olunan səbəbini tapdıqlarına iddia ediblər.
Qaynarinfo Politico-ya istinadla xəbər verir ki, bu barədə iki yeni araşdırmada
deyilir.
İki ayrı araşdırmada - biri Şotlandiyada, digəri isə Böyük Britaniyada - təhlil edilən halların 96 faizində yeni virus müəyyən edilib.
Alimlər hesab edirlər ki, qeyri-adi halların yayılmasına adeno-assosiasiyalı virus 2 infeksiyası adlanan virusa ya başqa bir virusla birgə, ya da təkbaşına yoluxma səbəb olur. Bu virus parvovirus ailəsinin üzvüdür.
Ancaq alimlərin hamısı hepatit xəstəliyinin səbəbi kimi COVID-19-u istisna edirlər. Şotlandiyadakı araşdırmanın baş müəllifi Emma Tomson jurnalistlərin brifinqində "Bunun COVID-19 ilə əlaqəli olması ehtimalı çox azdır" deyib.
İyulun 12-nə olan məlumata görə, 35 ölkədə 1000-dən çox səbəbi bilinməyən hepatit hadisəsi qeydə alınıb və 22 nəfər ölüb. Böyük Britaniyada ölüm halları qeydə alınmayıb, 12 uşaqda isə qaraciyər transplantasiyasına həyata keçirilib.
Nurlan Hüseynov
Şərhlər