Ukrayna Silahlı Qüvvələri Rusiya sərhəddində, Kursk vilayətində cəbhənin daha bir hissəsini yarıb. Hücum Desant-Həmlə Qüvvələrinin 95-ci əlahiddə desant-həmlə briqadasının bölmələri tərəfindən həyata keçirilib.
Qaynarinfo xəbər verir ki, bu barədə "RBC-Ukrayna” Ukrayna Silahlı Qüvvələrinin Desant-Həmlə Qüvvələrinin komandanlığının kommunikasiya idarəsinin Telegram-ına istinadən məlumat yayıb.
"Bu, artıq Rusiya Federasiyasının Kursk vilayəti ərazisində əməliyyat başlayandan bəri Rusiya sərhədini yarmaq üzrə ikinci uğurlu əməliyyatdır”, - deyə məlumatda bildirilir.
Kommunikasiya idarəsi Kursk vilayətində cəbhənin dəqiq haradan yarıldığını açıqlamır.
Videoçarxda mühəndis maneələrindən keçidlər, desant-həmlə bölmələrinin düşmən ərazisinə hərəkəti və tankların dayaq mövqelərinin darmadağın etdiyi sərhəd zolağında ilk döyüşlər qeydə alınıb.
Nizami Bağırov
Şərhlər