Ermənistan hökuməti bu faktı necə gizlətməyə çalışsa da, hər şeyin qaydasında olduğunu göstərsə də, Ermənistanla Rusiya arasında münasibətlər kifayət qədər gərgindir.
Qaynarinfo
xəbər verir ki, bu barədə jurnalistlərə Ermənistan parlamentinin "Hayastan” fraksiyasından olan deputat Artur Xaçatryan məlumat verib.
"Ola bilər ki, yanılıram, amma mənim yaddaşımda Ermənistan səfirinin Xarici İşlər Nazirliyinə çağırılması və etiraz notası verilməsi halı olmayıb”, - Xaçatryan bildirib.
Onun fikrincə, "Dağlıq Qarabağda 120 min erməninin fiziki mövcudluğunun” Rusiya sülhməramlılarının olması ilə müəyyən edildiyi bir şəraitdə Rusiya Federasiyası ilə münasibətlərin korlanması kifayət qədər riskli addımdır. Sülhməramlılar və onların fəaliyyətinin keyfiyyəti ilə bağlı suallar var, lakin bu, əsas həqiqəti inkar etmir.
Deputat Moskva ilə münasibətlərdəki gərginliyi İrəvanın xarici siyasət vektorunun dəyişməsinin nəticəsi hesab edir.
Eyni zamanda, o, Ermənistan sərhədlərinin mühafizəsi və Dağlıq Qarabağ ermənilərinin təhlükəsizliyinin təmin edilməsi məqsədilə regiona silahlı kontingent göndərməyə digər xarici aktorlar arasında hər hansı bir hazırlıq görmür.
Ermənistan rəhbərliyinin nəzəri Qərbə yönəlib, orada təhlükəsizlik mənbəyi axtarır, amma başa düşmək lazımdır ki, Türkiyə Ermənistanın qərbində yerləşir. Fransa deyil, başqa ölkələr deyil, Türkiyə.
Deputat bir əsrlik ifadəni xatırladıb ki, "İngilis gəmiləri Tavr dağlarına qalxa bilməz”, başqa sözlə, London və ya digər Qərb paytaxtlarından hərbi yardım gözləməyə ehtiyac yoxdur.
Alpər
