Kürd millət vəkilinin şillələdiyi polisə yeni vəzifə verilib.
Virtualaz.org Türkiyə mətbuatına istinadən xatırladır ki, Şırnaq bölgəsində müxalifətçilər tərəfindən keçirilən mitinqdə polislə qarşıdurma yaranmışdı. Bu zaman Barış və Demokratiya Partiyasından (BDP) olan millət vəkili Səbahət Tuncel polisin sərt müdaxiləsindən əsəbiləşərək şöbə rəisini şillə ilə vurmuşdu.
Kürd millət vəkilinin şillələdiyi bölgənin mühafizə xidmətinin rəisi Murad Çətinərə yeni və yüksək vəzifə verilib. M.Çətinər bundan sonra İstanbulda Terrorla Mübarizə Şöbəsi rəisinin müavini vəzifəsində çalışacaq.
Qeyd edək ki, BDP-li deputatdan şillə yeyən M.Çətinər onu məhkəməyə verərək təzminat kimi 37 min TL (təxminən 15 min manat) də almış və həmin pulu xidmət etdiyi bölgənin məktəblərinin uşaqlarına hədiyyələr alınmasına xərcləmişdi.
Qaynar.info
