Mayın 11-də Ukraynanın Xarkov vilayətində referendum keçirilməyəcək.
APA-nın “RBK-Ukrayna”ya istinadən verdiyi xəbərə görə, bunu “Cənub-Şərq” hərəkatının üzvü Yuri Apuxtin bəyan edib.
Onun sözlərinə görə, hərəkat Donetsk və Luqansk şəhərlərindəki federallaşma tərəfdarları ilə referendumun həyata keçirilməsini əlaqələndirməyib.
Qeyd edək ki, federasiya üsul-idarəsinə keçid, “Cənubi-Şərq muxtariyyəti”nin yaradılması və rus dilinə dövlət statusu verilməsi məsələləri referenduma çıxarılmalı idi.
Mayın 7-də Rusiya prezidenti Vladimir Putin Ukraynanın şərqindəki separatçıları mayın 11-nə təyin etdikləri referendumu təxirə salmağa, Ukrayna hakimiyyətini cənub-şərq vilayətlərinin təmsilçiləri ilə birbaşa dialoqa çağırıb.
Xatırladaq ki, Ukraynanın Donetsk və Luqansk vilayətlərində separatçılar mayın 11-də Donetsk və Luqansk xalq respublikalarının yaradılması məqsədilə referendum keçirəcəklərini bəyan ediblər.
Qaynar.info
